"Eu falo a miña lingua porque si, porque me gosta, porque me peta e dame a gaña" Celso Emilio Ferreiro

16 de xuño de 2019

REVISTA ESCOLAR: AGROMAR 57

Este curso a revista escolar Agromar 57 focaliza a súa atención no mundo do xogo e do xoguete dentro do proxecto "Xogamos?", e recada os traballos relacionados co tema que se fixeron na escola durante este curso.

14 de xuño de 2019

AS LERIAS DE XUÑO: A MOSTRA DO XOGO E DO XOGUETE

Desta volta na sección "Noticias curiosas e rabiosas" o equipo da emisora informa sobre a mostra do xogo e do soguete que se vai celebrar o venres 7 de xuño.

AS LEIRAS DE MAIO: AS CANTARELAS DOS XOGOS

As nenas e os nenos de terceiro apréndennos cantigas para acompañar aos xogos, para botar sortes ....

AS LEIRAS DE ABRIL: DESFILE DE MARIQUIÑAS

Programa producido polas nenas e nenos de primeiro.

AS LEIRAS DE MARZO: LEIRADO FALA

O alumnado de sexto cóntanos cousas sobre a viaxe á Casa do Patrón, na vila de Lalín. O programa inclúe poemas e música.

28 de febreiro de 2019

AS LERIAS DE FEBREIRO: BONECAS

As nenas e nenos de quinto de primaira achégannos un programa realizado con parte da información que obtiveron na investigación que realizaron  sobre as bonecas.
Orixes e historia, tipos de bonecas, materias de fabricación, curiosidades, poesía e música conforman este programa, emitido o día 28 de Febreiro.


9 de febreiro de 2019

AS LERIAS DE FEBREIRO: ASÍ XOGABAN AS NOSAS FAMILIAS

Desta volta as nenas e nenos de cuarto armáronse de gravadoras e, como agudos reporteiros, entrevistaron a nais, pais, avoas e avós para coñecer como xogaban de cativos e cales eran os seus xogos preferidos. Por uns instantes volveron a súa época infantil e contaron vivencias e anécdotas que nos descubriron outras maneiras de xogar.




3 de febreiro de 2019

DECÁLOGOS PARA A PAZ

Nesta ocasión a celebración do ""Día Escolar da Paz e a non violencia" relacionouse co proxecto "Xogamos", que é o que nos trae atarefados este ano. Tratábase de elaborar unhas normas para mellorar a nosa convivencia, que nos axuden xogar de forma divertida, evitando os conflitos.
O traballo foi duro, xa que hobo que facer reflexións, debater e chegar a acordos cos demais. Pero logrouse acadar os obxectivos propostos, mostrando que cando nos poñemos somos quen de superar todos os atrancos. 
Ao final todo quedou recollido nuns paneis que se colocaron polos corredores do cole para que sempre estean presentes, e se poida recurrir a eles en caso necesario.

Facendo clic na imaxe accédese ao traballo realizado por todo o alumnado do centro.

22 de xaneiro de 2019

AS LERIAS DE XANEIRO: OS XOGOS OLÍMPICOS

Desta volta as nenas e os nenos de sexto comparten con nos os resultados da investigación que levaron a cabo sobre os xogos olñimpicos.

18 de xaneiro de 2019

AS LERIAS DE DECEMBRO

Desta volta é o alumnado de cuarto o que colabora no programa. Curiosidades, chistes e máis cousas compoñen a súa divertida oferta.

1 de decembro de 2018

NOVEMBRO, MES DA CIENCIA EN GALEGO

Ao longo do mes de Novembro tódalas nenas e nenos do cole xogaron coa ciencia, que é unha forma moi divertida de achegarse á investigación.
En todos os niveis realizáronse proxectos e experimentos. Para contarlle aos compañeiros como foron os procesos realizáronse paneis explicativos e graváronse videos.
A experiencia de sentirse como verdadeiras científicas e científicos foi moi interesante, proveitosa e divertida, e valeu para comprender a importancia que ten a investigación. En Galego.

Máis información  picando enriba da imaxe.

13 de novembro de 2018

A NOVA EMISORA ESCOLAR

Despois de bastantes anos emitindo como "A Voz da Escola", á nosa emisora chegoulle o momento de renovarse e comezar unha nova etapa.
Para elixir o novo nome convocouse un concurso no que cada quen aportou as súas ideas mediante votación. Unha vez finalizado o prazo , un xurado escolleu a opción máis orixinal. O nome resultante foi As lerias de Leirado.
E xa, rapidamente, comezou a actividade, cun programa no que se da conta de todo este proceo ao tempo que se informa das novidades da emisora.




Pois xa so queda desexarlle unha longa vida a este novo proxecto radiofónico.

16 de outubro de 2018

18 de xuño de 2018

REVISTA ESCOLAR: AGROMAR 56

O número 56 da revista escolar Agromar está adicado enteiramente ao proxecto LeirARTE e recolle traballos realizados polo alumnado todos con temática relacionada coas Artes.


17 de xuño de 2018

EMISORA ESCOLAR: PROGRAMA DAS LETRAS

Programa adicado á arte da Literatura, representada en María Victoria Moreno, autora homenaxeada nas Letras Galegas do ano 2018. O alumnado de cuarto de E. Primaria procedeu á lectura do conto "O día do naufraxio" extraído do libro "Mar Adiante".