O xoves 19 as persoas maiores do Centro de Día das Neves estiveron no colexio.. Viñeron cargados de regalos e de iluxión para facernos coñecer como se festexaba o Nadal cando eran máis novos.
Responderon ás preguntas que lle facían as nenas e nenos e recordaron como eran as celebracións daquela: As comidas e as sobremesas de Noiteboa e Anovello, as cancións e os bailes, as celebracións que se facían, os xoguetes cos que xogaban, o aguinaldo ......
Trouxeron uns arcos dos que se utilizan na danza de Reis que eles mesmos confeccionaron. Explicaron como se bailaba e fixeron unha pequena demostración. Tamén nos falaron do costume de cantar os reis e de pedir o aguinaldo, que hoxe case están desaparecidas. Marina, que foi carteira, recordou o poema que recitaba polas casas para que lle deran o aguinaldo. Interpretaron para nós un fermoso Canto de Reis demostrando que as mañas nunca se perden
Trouxeron uns arcos dos que se utilizan na danza de Reis que eles mesmos confeccionaron. Explicaron como se bailaba e fixeron unha pequena demostración. Tamén nos falaron do costume de cantar os reis e de pedir o aguinaldo, que hoxe case están desaparecidas. Marina, que foi carteira, recordou o poema que recitaba polas casas para que lle deran o aguinaldo. Interpretaron para nós un fermoso Canto de Reis demostrando que as mañas nunca se perden
Foi un rato divertido e moi ameno que achegou aos máis novos tradicións galegas de outros tempos, moitas delas xa esquecidas, e permitiulles coñecer unha realidade diferente da actual.
Queremos agradecer o esforzo que realizaron para estar con nós, tanto ás persoas que viñeron como ás que quedaron no centro así como a todo persoal do Centro de día, por facer posible esta xuntanza.
Ningún comentario:
Publicar un comentario