Día das Artes Galegas 2023 (Martín Códax)

 Con motivo da conmemoración do día das Artes Galegas 2023, o alumnado de 6º EP do noso centro, gravou un programa de radio e interpretou unha versión da cantiga "Mar de Vigo" de Martín Códax.

Aquí vos deixo o audio: PROGRAMA DE RADIO

DÍA DE ROSALÍA DE CASTRO

 Hoxe, 23 de febreiro celébrase o día de Rosalía de Castro, e o noso alumnado  realizou diferentes  traballos, entre eles, murais con materiais de reciclaxe, sobre o tema "Rosalía feminista", que enviamos á Deputación de Pontevedra para participar no concurso de colaxes. Tamén realizaron minilibros e traballaron sobre a obra e vida da autora.

Déixovos algunhas fotos para que vexades o potencial artístico do noso alumnado!

ENTROIDO

 

O 17 de febreiro festexamos o Entroido por todo o alto. Fomos desfilar polas rúas de Salvaterra con outros colexios da zona, co CRA A Lagoa e co CEP Carlos Casares, e como peche, rematamos a festa con  xeitosas coreografías! 

 Déixovos o enlace ás fotos e vídeos do Entroido e o testamento do Meco a continuación:

* https://photos.app.goo.gl/CQ9sMk5QSKVraqhW8

DÍA DA MULLER E A NENA NA CIENCIA

Nesta semana decidimos traballar a ciencia relacionándoa co noso proxecto " Mergúllate con nós", así que cada aula gravou un videotitorial cun experimento. O venres 11 foi o "Venres de ciencia", e dedicámola mañá a realizar os experimentos das nosas compañeiras e compañeiros. A continuación déixovos os experimentos. 

REVISTA AGROMAR 59

Ola a tod@s! 

 Aquí vos deixo as dúas versións da revista Agromar 59: 

 * versión curta: https://drive.google.com/file/d/1e-k0QI682HuUWUOWkqqFbNx1SaPplBem/view?usp=sharing 

 * versión longa: https://drive.google.com/file/d/1aIM6Fcv-Dlxut3IDeRADq7aCf7hgfj5T/view?usp=sharing

LETRAS GALEGAS!

 Este ano 2022, o autor homenaxeado é Florencio Delgado Gurriarán, e para festexar o gran día decidimos realizar un festival.

 Aquí vos deixo o vídeo  para todas aquelas persoas que non puideron velo, ou para todas aquelas que queiran gozalo de novo.

LENDAS DO MUNDO

Esta vez  o noso alumnado para conmemorar o "Día da Oralidade",  animousouse a gravar lendas típicas  de cada  ruta do proxecto "A volta ao mundo en 160 días". Aquí vos deixo o resultado final:

I CONCURSO DE PORTADAS DA REVISTA AGROMAR Nº 59

                                                                                                 

Estimadas familias:

Dende o Equipo de Dinamización da Lingua Galega do CEIP Plurilingüe de Leirado, propoñévosvos  que participedes  xunto cos vosos nenos e nenas  na actividade familiar do:  I CONCURSO DE PORTADAS DA REVISTA AGROMAR Nº  59.

Déixovos a continuación as bases do concurso.

Moitas grazas pola vosa participación!

Un saúdo

•  BASES DO CONCURSO                               

SEMANA DA PRENSA

 O  alumnado de 6º curso de primaria, móstranos algunhas das noticias que elaboraron a nivel de aula e  creacións artísticas reciclando xornais:

DÍA DA MULLER

Para conmemorar o Día Internacional da Muller (8 de marzo), o noso alumnado de 5º curso de primaria traballou entre moitas  cousas  conceptos básicos como: a igualdade de oportunidades,a sororidade, o empoderamento, a igualdade de xénero, a coeducación, a brecha salarial, o teito de cristal...

Aquí vos deixo unhas fotos:

SEMANA DO ENTROIDO

Este ano festexamos a semana do Entroido, onde seguimos as ordes do Meco, elaboramos e degustamos o "Entroido larpeiro" con receitas do mundo, confeccionamos disfraces, realizamos un desfile no patio do colexio pechado polo alumnado de quinto de primaria que nos  deleitou cun tema propio sobre  a queima do Meco en directo. Por último, fixemos un photocall a nivel grupal, aquí vos deixo unhas fotos, o enlace coas receitas, un vídeo e o audio da canción da queima do Meco:

Para as larpeiras e larpeiros do mundo aquí vos deixo o enlace ao recopilatorio de receitas realizadas polo noso alumnado:

LIBRO DE RECEITAS

PRESENTACIÓN DAS RECEITAS

DÍA DE ROSALÍA DE CASTRO

Para homenaxear a Rosalía de Castro no seu aniversario, o alumnado do noso centro sementou pensamentos, que era a flor favorita de Rosalía, pero plantounos literal e metaforicamente falando. Proba diso déixovos unhas fotos dos haikus realizados polo alumnado de 4º:

Neste mural recóllense os  pensamentos  do alumnado de 3º curso de primaria: 

E por último o noso alumnado de  6º curso de primaria ademais de facer un mural central con pensamentos de Rosalía, organizou e agochou unha "caza do tesouro" sobre a biografía desta autora  no percorrido da "milla diaria".

DÍA DE SAN VALENTÍN = A DÍA DO AMOR E DA AMIZADE

O noso alumnado de terceiro e quinto de primaria festexou o día 14 de febreiro baixo o lema "A distancia aumentou os sentimentos de amor e amizade". Neste mural que se amosa a continuación, expresaron os seus sentimentos,e, tamén investigaron como se di a palabra "amor e amizade" nos diferentes idiomas de cada ruta do proxecto " A volta ao mundo en 160 días".

Día Internacional da Muller e Da Nena na Ciencia

 O noso alumnado de 5º e 6º de educación primaria investigou a vida de moitas mulleres científicas. O resultado final desta investigación deuse a coñecer ao resto do alumnado a través da máquina do tempo de mulleres científicas do alumnado de quinto, e da montaxe final do mural exposto na aula de sexto.

Aquí vos deixo unha fotos: